ജനാധിപത്യത്തിൽ ജനമാണ് ശക്തി: ഷാഫി പറമ്പിൽ എം.പി
മേപ്പയ്യൂരിൽ യു.ഡി.എഫ് കമ്മിറ്റി സംഘടിപ്പിച്ച പ്രതിഷേധ പൊതുയോഗം ഷാഫി പറമ്പിൽ എം.പി ഉദ്ഘാടനം ചെയ്യുന്നു.
മേപ്പയ്യൂർ: ജനാധിപത്യത്തിൽ ജനമാണ് ശക്തിയെന്ന് ഷാഫി പറമ്പിൽ എം.പി പറഞ്ഞു. മേപ്പയ്യൂർ ഗവൺമെന്റ് വൊക്കേഷണൽ ഹയർ സെക്കണ്ടറി സ്കൂളിലെ പാർലമെന്റ് തെരഞ്ഞെടുപ്പ് സി.പി.എം ന്റെ നിർദ്ദേശപ്രകാരം സ്ക്കൂൾ അധികൃതർ അട്ടിമറിച്ചെന്നാരോപിച്ച് യു ഡി എഫ് സംഘടിപ്പിച്ച പ്രതിഷേധ പൊതു യോഗം ഉദ്ഘാടനം ചെയ്യുകയായിരുന്നു അദ്ദേഹം. പിഞ്ചു മനസ്സിനുള്ളിലെ ജനാധിപത്യ ബോധം തല്ലി തകർക്കരു തെന്നും അദ്ദേഹം പറഞ്ഞു.
മുസ്ലിം ലീഗ് ജില്ലാ ജനറൽ സെക്രട്ടറി ടി.ടി ഇസ്മായിൽ മുഖ്യപ്രഭാഷണം നടത്തി. വി.പി ദുൽഖിഫിൽ, സി.പി.എ അസീസ്, മുനീർ എരവത്ത്, ഇ അശോകൻ , ടി.കെ.എ ലത്തീഫ്, കെ.പി രാമചന്ദ്രൻ, എ.വി അബ്ദുള്ള, പി.കെ അനീഷ്, കന്മന അബ്ദുറഹിമാൻ, കെ.പി വേണു ഗോപാൽ, സി.എം ബാബു എന്നിവർ സംസാരിച്ചു.
സ്കൂൾ പാർലമെന്റ് തെരഞ്ഞെടുപ്പിൽ വിജയിച്ച യു.ഡി.എസ്.എഫ് വിദ്യാർത്ഥികളെ ഷാഫി പറമ്പിൽ എം.പി ഷാളണിയിച്ച് അനുമോദിച്ചു. പറമ്പാട്ട് സുധാകരൻ അധ്യക്ഷനായി. കൺവീനർ എം.കെ അബ്ദുറഹിമാൻ മാസ്റ്റർ സ്വാഗതവും, എം.എം അഷറഫ് നന്ദിയും പറഞ്ഞു.
