പേരാമ്പ്ര സംഘർഷവുമായി ബന്ധപ്പെട്ട് അറസ്റ്റ്

www.newsindialine.com a venture of Democrat

MEPPAYUR NEWS NEWS INDIA LINE.COM

പേരാമ്പ്ര: പേരാമ്പ്ര സംഘർഷവുമായി ബന്ധപ്പെട്ട് 5പേരെ പോലീസ് അറസ്റ്റ് ചെയ്തു. പേരാമ്പ്ര ടൗണിലെ പ്രതിഷേധ പ്രകടനത്തിനിടെ പോലീസിനെ ആക്രമിച്ച കേസിലും സ്ഫോടക വസ്തു എറിഞ്ഞ കേസിലുമാണ് അറസ്റ്റ്. മുസ്തഫ,നസീർ , റഷീദ്,സജീർ , മിഥിലാജ് എന്നിവരാണ് കസ്റ്റഡിയിൽ ആയത്. സംഘർഷ സമയത്ത് പോലീസിന് നേരെ യുഡിഎഫ് പ്രവർത്തകർ സ്ഫോടക വസ്തു എറിഞ്ഞെന്ന ആരോപണത്തിൽ കഴിഞ്ഞ ദിവസം യുഡിഎഫ് പ്രവർത്തകരായ ഏഴുപേരെ പോലീസ് കസ്റ്റഡിയിൽ എടുത്തിരുന്നു.

പോലീസ് ഫോട്ടോഗ്രാഫർ പകർത്തിയ ദൃശ്യവും ചിത്രങ്ങളും പരിശോധിച്ചപ്പോഴാണ് സ്ഫോടക വസ്തു എറിഞ്ഞതു വ്യക്തമായത്. ഫോറൻസിക് പരിശോധനയിലും ഡോഗ് സ്ക്വാഡ് പരിശോധനയിലും സംഭവം സ്ഥിരീകരിച്ചു. നാടൻ ബോംബിന്റെ അവശിഷ്ടങ്ങൾ കൂടി ലഭിച്ചതോടെ കേസ് അന്വേഷണം പുതിയ തലങ്ങളിലേക്ക് എത്തി.അറസ്റ്റിലായവരിൽ ഒരാൾ യൂത്ത് കോൺഗ്രസിൻറെ മണ്ഡലം സെക്രട്ടറിയും മറ്റൊരാൾ യൂത്ത് കോൺഗ്രസ് മുൻ സംസ്ഥാന ഭാരവാഹിയുടെ അടുത്ത ബന്ധുവുമാണെന്നറിയുന്നു. കൂടുതൽ അറസ്റ്റ് നടന്നേക്കുമെന്നാണ് സൂചന.