പയ്യോളിയിൽ കൂടുതൽ വണ്ടികൾ നിർത്തണമെന്ന് ഷാഫി പറമ്പിൽ എം.പി

പയ്യോളിയിൽ കൂടുതൽ വണ്ടികൾ നിർത്തണമെന്ന് ഷാഫി പറമ്പിൽ എം.പി പാലക്കാട് റെയിൽവെ ഡിവിഷനൽ മാനേജർക്ക് നൽകിയ കത്തിൽ ആവശ്യപ്പെട്ടു.

തീരദേശം - ഇടനാട് - മലനാട് പ്രദേശങ്ങളിലെ സാധാരണ ജനങ്ങൾക്ക് സൗകര്യപ്രദമാകുന്ന വിധം പയ്യോളി റെയിൽവേ സ്റ്റേഷനിൽ 16629/ 16630 മലബാർ എക്സ് പ്രസ് , 16347/ 16348 മംഗളൂരു സെൻട്രൽ എക്സ് പ്രസ് തുടങ്ങിയവയ്ക്ക് സ്റ്റോപ്പ് അനുവദിക്കണമെന്നാണ് എം.പി നൽകിയ കത്തിൽ ആവശ്യപ്പെട്ടത്. ഈ ആവശ്യം ഉന്നയിച്ച് കോൺഗ്രസ് മേപ്പയ്യൂർ മണ്ഡലം വൈസ് പ്രസിഡന്റ് രവീന്ദ്രൻ വള്ളിൽ, ഷാഫി പറമ്പിൽ എം.പിക്ക് നിവേദനം നൽകിയിരുന്നു. മലയോര മേഖലയിലെയും മേപ്പയ്യൂർ-പേരാമ്പ്ര പട്ടണങ്ങളിലെയും കടിയങ്ങാട്, കൂത്താളി, കായണ്ണ, നൊച്ചാട്, ആവള മേഖലയിലുള്ളവർക്കും മേലടി , തോടന്നൂർ ബ്ലോക്കുകളിലെയും ആളുകൾക്കും ഇത് പ്രയോജനപ്രദമാകും.