സാമൂഹ്യ ഐക്യദാർഢ്യം മേലടി ബ്ലോക്ക് മെഡിക്കൽ ക്യാമ്പ് നടത്തി
സാമൂഹ്യ ഐക്യദാർഢ്യം മേലടി ബ്ലോക്ക് മെഡിക്കൽ ക്യാമ്പ് തുറയൂർ ചിറക്കരയിൽ മേലടി ബ്ലോക്ക് പഞ്ചായത്ത് പ്രസിഡണ്ട് സുരേഷ് ചങ്ങാടത്ത് ഉദ്ഘാടനം ചെയ്യുന്നു
തുറയൂർ: സാമൂഹ്യ ഐക്യദാർഢ്യം മേലടി ബ്ലോക്ക് മെഡിക്കൽ ക്യാമ്പ് തുറയൂർ ചിറക്കരയിൽ മേലടി ബ്ലോക്ക് പഞ്ചായത്ത് പ്രസിഡണ്ട് സുരേഷ് ചങ്ങാടത്ത് ഉദ്ഘാടനം ചെയ്തു. തുറയൂർ ഗ്രാമപഞ്ചായത്ത് പ്രസിഡണ്ട് സി.കെ ഗിരീഷ് അധ്യക്ഷനായിരുന്നു. വൈസ് പ്രസിഡണ്ട് ശ്രീജ മാവുള്ളാട്ടിൽ, ബ്ലോക്ക് ആരോഗ്യ സ്റ്റാൻ്റിംഗ് കമ്മിറ്റി ചെയർപെഴ്സൺ ലീന പുതിയോട്ടിൽ, ഗ്രാമപഞ്ചായത്ത് സ്റ്റാൻ്റിംഗ് കമ്മിറ്റി ചെയർമാൻമാരായ കെ.എം രാമകൃഷ്ണൻ , ടി.കെ ദിപിന, സബിൻ രാജ്, ബ്ലോക്ക് മെമ്പർമാരായ എം.പി ബാലൻ, അഷിത , പയ്യോളി മുൻസിപ്പൽ കൗൺസിലർ ഷെജ് മ്ന, മെഡിക്കൽ ഓഫീസർമാരായ ഡോ. ആൻസി, ഡോ.അഷിത , അസീസ് എന്നിവർ സംസാരിച്ചു. ഡോ. സൂരജ് എസ് എൻ . ക്യാമ്പ് സംബന്ധിച്ച് വിശദീകരണം നൽകി. ഡോ. ആതിര അശോക് ആരോഗ്യ ബോധവത്ക്കരണ ക്ലാസ് എടുത്തു. എൻ സി ഡി സംബന്ധിച്ച് സ്ക്രീനിംഗും ഇതോടൊപ്പം നടത്തി. വാർഡ് മെമ്പർ ശ്രീകല ആശംസയും എസ്. സി പ്രൊമോട്ടർ ക്രിസ്റ്റീന നന്ദിയും പറഞ്ഞു.
