കോട്ട കാക്കാൻ കെ.കെ. ബാലൻ മാസ്റ്റർ

മേപ്പയ്യൂർ: ജില്ലാ പഞ്ചായത്ത് മേപ്പയ്യൂർ ഡിവിഷനിലെ ഇടതുപക്ഷ ജനാധിപത്യ മുന്നണിയുടെ സ്ഥാനാർത്ഥി കെ കെ ബാലൻ മാസ്റ്റർ ഇടതു കോട്ടയെന്ന വിശേഷണമുള്ള മേപ്പയ്യൂർ മേഖലയിൽ പര്യടനം നടത്തി. കാലത്ത് കൊഴുക്കല്ലൂരിൽ നിന്ന് തുടങ്ങിയ പര്യടനം മാമ്പൊയിൽ, മരുതേരി പറമ്പ്, ഉന്തുമ്മൽഭാഗം(മേപ്പയ്യൂർ, എടത്തിൽ മുക്ക്(മേപ്പയ്യൂർ), കായലാട്(മേപ്പയ്യൂർ), കൂനം വെള്ളിക്കാവ്, അഞ്ചാംപീടിക, വാല്യക്കോട് ഈസ്റ്റ്, വെള്ളിലോട്ട്, എടക്കയിൽ, നിരപ്പം , കക്കറ മുക്ക്,ആവള,മഞ്ചരിക്കുന്ന് എന്നീ കേന്ദ്രങ്ങളിലെ സ്വീകരണത്തിനു ശേഷം മഠത്തിൽ മുക്കിൽ സമാപിച്ചു. ഇടതു കോട്ട കാക്കാനാണ് കെ.കെ. ബാലൻ മാസ്റ്ററുടെ നാടിളക്കിയുള്ള പ്രചാരണം.

സിപിഐ ജില്ലാ സെക്രട്ടറി അഡ്വ. പി ഗവാസ് ,സിപിഐഎം ജില്ലാ സെക്രട്ടറിയേറ്റ് അംഗം എസ് കെ സജീഷ് ,സിപിഐഎം നേതാക്കളായ എം കുഞ്ഞമ്മദ്, എ കെ ബാലൻ, കെടി രാജൻ,കെ രാജീവൻ, പിപി രാധാകൃഷ്ണൻ , എ സി അനൂപ്, ആർ.ജെ.ഡി നേതാക്കളായ ഭാസ്കരൻ കൊഴുക്കല്ലൂർ,കെവി ബാലൻ ഐ.എൻ.എൽ നേതാവ് മുഹമ്മദ് പിപി,നാഷണൽ ലീഗ് നേതാവ് ആലിക്കുട്ടി മാസ്റ്റർ, എൻസിപി നേതാവ് അമ്പാടി കുഞ്ഞിക്കണ്ണൻ, സിപിഐ നേതാക്കളായ അജയ് ആവള ,യൂസഫ് കോറോത്ത് ,സി ബിജു , ടി.ഭാരതി, പികെ സുരേഷ്, ബി.ബി ബിനീഷ്,ധനേഷ് കാരയാട് ,ജിജോയ് ആവള തുടങ്ങിയവർ വിവിധ സ്വീകരണ കേന്ദ്രത്തിൽ സംസാരിച്ചു.