മേപ്പയ്യൂരിൽ യു ഡി എഫ് കുറ്റവിചാരണ യാത്ര ഇന്ന്

MEPPAYUR NEWS   a venture of Democrat

മേപ്പയ്യൂർ: മേപ്പയ്യൂരിൽ യു ഡി എഫ് നടത്തുന്ന കുറ്റവിചാരണ യാത്ര 29 ന് നടക്കും. ഇടത് ഭരണത്തിന് അറുതി വരുത്താൻ നടത്തുന്ന കുറ്റവിചാരണ യാത്രയിൽ യു ഡി എഫ് നേതാക്കളും 19 ഗ്രാമ പഞ്ചായത്ത് സ്ഥാനാർത്ഥികളും, 4 ബ്ലോക്ക് ഡിവിഷൻ സ്ഥാനാർത്ഥികളും പങ്കെടുക്കും. മേപ്പയ്യൂർ ബസ് സ്റ്റാൻ്റ് , ഭരണ സമിതിയുടെ കെടുകാര്യസ്ഥത, തുടങ്ങിയ വിഷയങ്ങൾ ഉയർത്തിയാണ് യാത്ര സംഘടിപ്പിക്കുന്നത്. ഇന്ന് കാലത്ത് 9 മണിക്ക് കീഴ്പ്പയ്യൂർ പള്ളി ഭാഗത്തുനിന്ന് ജാഥ തുടങ്ങും മുസ്‌ലിം ലീഗ് ജില്ലാ വൈസ് പ്രസിഡൻ്റ് എസ് പി കുഞ്ഞമ്മത് ഉദ്ഘാടനം ചെയ്യും. വിവിധ കേന്ദ്രങ്ങളിലെ പര്യടനത്തിനു ശേഷം വൈകിട്ട് 6 മണിക്ക് ജനകീയ മുക്കിൽ സമാപിക്കും. സമാപന സമ്മേളനം ഡി സി സി പ്രസിഡൻ്റ് കെ പ്രവീൺ കുമാർ ഉദ്ഘാടനം ചെയ്യും. ജാഥ വിജയിപ്പിക്കുവാൻ വേണ്ടി ചേർന്ന യോഗത്തിൽ തെരഞ്ഞെടുപ്പ് കമ്മിറ്റി ചെയർമാൻ ഇ കെ മുഹമ്മദ് ബഷീർ അധ്യക്ഷനായി. കമ്മന അബ്ദുറഹിമാൻ, പറമ്പാട്ട് സുധാകരൻ, കീപ്പോട്ട് അമ്മത്, എടയിലാട്ട് ഉണ്ണികൃഷ്ണൻ, മുജീബ് കോമത്ത്, ഷബീർ ജന്നത്ത്, കെ എം എ അസീസ്, സത്യൻ വിളയാട്ടൂർ എന്നിവർ സംസാരിച്ചു