മേപ്പയ്യൂരിൽ വൻ ബഹുജന റാലി ; നഗരം കീഴടക്കി ഡിജെ

 NEWSINDIALINE.COM  www.newsindialine.com a venture of Democrat

മേപ്പയ്യൂർ: മേപ്പയ്യൂരിൽ എൽഡിഎഫിന്റെ നേതൃത്വത്തിൽ വിജയഭേരി പ്രഖ്യാപനം. നൂറുകണക്കിന് യുവജനങ്ങൾ അണിഞ്ഞിരുന്ന ഡിജെ നഗരനിരത്തുകൾ കീഴടക്കി. ടി പി രാമകൃഷ്ണൻ എംഎൽഎ, കെ കെ ബാലൻ, എം കെ സതി എന്നിവർ യുവ സംഘത്തിന് പിന്നിൽ ബഹുജന റാലിക്ക് മുന്നിൽ അണിനിരന്നു. സാന്നിധ്യം വിജയഭേരിയുടെ പ്രത്യേകതയായിരുന്നു. സലഫി ക്യാമ്പസിനു സമീപത്തു നിന്ന് ആരംഭിച്ച വിജയഭേരി മുന്നേറ്റം ബസ്റ്റാൻഡ് പരിസരത്ത് സമാപിച്ചു.

വികസനം മുൻനിർത്തിയാണ് ഇടതുപക്ഷ ജനാധിപത്യ മുന്നണി തിരഞ്ഞെടുപ്പ് നേരിടുന്നത് എന്ന് എൽഡിഎഫ് കൺവീനർ ടി പി രാമകൃഷ്ണൻ എം എൽ എ പറഞ്ഞു. എന്നാൽ യുഡിഎഫ്, വർഗീയമായി ചിന്തിക്കുകയും ലീഗിനെ മുൻനിർത്തി വർഗീയ രാഷ്ട്രീയം ആണ് കളിക്കുകയുമാണ് ചെയ്യുന്നത്, ടി പി കൂട്ടിച്ചേർത്തു.

ഭാസ്കരൻ കൊഴുക്കല്ലൂർ അധ്യക്ഷനായിരുന്നു. കെ കെ ബാലൻ, എം കെ സതി, എൽഡിഎഫ് ജില്ലാ കൺവീനർ മുക്കം മുഹമ്മദ്, മുൻ എംഎൽഎ എൻ കെ രാധ,ആർ ജെ ഡി സംസ്ഥാന സെക്രട്ടറി കെ ലോഹ്യ, ഐഎൻഎൽ നേതാവ് എ. ടി. സി. അമ്മത് ബ്ലോക്ക് പഞ്ചായത്ത് സ്ഥാനാർത്ഥികളായ നിഷാദ് പൊന്നങ്കണ്ടി, സുനിത ബാബു, ദീപ കേളോത്ത്, പഞ്ചായത്ത് സ്ഥാനാർത്ഥികൾ തുടങ്ങിയവർ സംസാരിച്ചു. എൽഡിഎഫ് പഞ്ചായത്ത് കൺവീനറും മേപ്പയ്യൂ‌ർ ഗ്രാമ പഞ്ചായത്ത് പ്രസിഡണ്ടുമായ കെ ടി രാജൻ എസ്വാഗതം പറഞ്ഞു.