മേപ്പയ്യൂരിൽ എൽ ഡി എഫ് വിജയഭേരി. യുഡിഎഫ് വർഗീയമായി ചിന്തിക്കുന്നു: ടി പി രാമകൃഷ്ണൻ എം എൽ എ

MEPPAYUR NEWS   a venture of Democrat

മേപ്പയ്യൂർ: മേപ്പയ്യൂരിൽ എൽ ഡി എഫ് കൺവീനർ ടിപി രാമകൃഷ്ണൻ എം എൽ എയുടെ നേതൃത്വത്തിൽ ആവേശകരമായ റോഡ് ഷോ. വി എം യു പി സ്കൂൾ പരിസരത്തുനിന്ന് ആരംഭിച്ച റോഡ് ഷോ നഗരം ചുറ്റിയ ശേഷം ബസ്സ് സ്റ്റാൻഡ് മൈതാനിയിൽ സമാപിച്ചു. യുവാക്കളുടെ നീണ്ട നിരയും ഡിജെയും വിജയഭേരിയെ ശ്രദ്ധേയമാക്കി. ഡിജെയിൽ നൂറുകണക്കിന് പേർ പങ്കെടുത്തു. വമ്പിച്ച സ്ത്രീ സാന്നിധ്യം വിജയഭേരിയുടെ സവിശേഷതയായിരുന്നു.

യുഡിഎഫ് വർഗീയമായി ചിന്തിക്കുന്നു: ടി പി രാമകൃഷ്ണൻ എം എൽ എ

യുഡിഎഫ് വർഗീയമായാണ് ചിന്തിക്കുന്നത്, ലീഗ് വർഗീയ രാഷ്ട്രീയം ആണ് കളിക്കുന്നത് എന്നാൽ വികസനം മുൻനിർത്തിയാണ് ഇടതുപക്ഷ ജനാധിപത്യ മുന്നണി തിരഞ്ഞെടുപ്പ് നേരിടുന്നത് എന്ന് എൽഡിഎഫ് കൺവീനർ ടി പി രാമകൃഷ്ണൻ എം എൽ എ പറഞ്ഞു. മേപ്പയ്യൂരിൽ എൽ ഡി എഫ് നേതൃത്വത്തിൽ നടന്ന വിജയഭേരി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

ഭാസ്കരൻ കൊഴുക്കല്ലൂർ അധ്യക്ഷനായിരുന്നു. ടി പി രാമകൃഷ്ണൻ,ജില്ലാ പഞ്ചായത്ത് സ്ഥാനാർത്ഥികളായ സിപിഐ സംസ്ഥാന സമിതി അംഗം കെ കെ ബാലൻ, ജനതാദൾ വനിതാ നേതാവ് എം കെ സതി, ഘടകകക്ഷി നേതാക്കൾ എന്നിവർ നേതൃത്വം നൽകി.

എൽഡിഎഫ് ജില്ലാ കൺവീനർ മുക്കം മുഹമ്മദ്, മുൻ എംഎൽഎ എൻ കെ രാധ, സംസ്ഥാന സെക്രട്ടറി കെ ലോഹ്യ, ഐഎൻഎൽ നേതാവ് എ. ടി. സി. അമ്മത് ജില്ലാ പഞ്ചായത്ത് സ്ഥാനാർത്ഥികളായ കെ കെ ബാലൻ എം കെ സതി, ബ്ലോക്ക് പഞ്ചായത്ത് നിഷാദ് പൊന്നങ്കണ്ടി സുനിത ബാബു, ദീപ കേളോത്ത്, പഞ്ചായത്ത് സ്ഥാനാർത്ഥികൾ തുടങ്ങിയവർ സംസാരിച്ചു. കെ .ടി രാജൻ സ്വാഗതം പറഞ്ഞു