തുറയൂർ ഗ്രാമ പഞ്ചായത്തിൽ സിപിഐ വേറിട്ടു മത്സരിക്കും.

തുറയൂർ : തുറയൂർ ഗ്രാമ പഞ്ചായത്തിൽ സിപിഐ വേറിട്ടു മത്സരിക്കും. അനുരഞ്ജന ചർച്ചകൾ ഫലം കണ്ടില്ല. സ്ഥാനാർത്ഥിത്വം പിൻവലിക്കാനുള്ള സമയം തിങ്കളാഴ്ച കഴിഞ്ഞതോടെ തുറയൂർ ഗ്രാമപഞ്ചായത്തിലെ എട്ടു വാർഡുകളിലെ ബാലറ്റിൽ എൽഡിഎഫിലെ രണ്ടു ചിഹ്നങ്ങൾ ഉണ്ടാവുമെന്നുറപ്പായി.3, 6, 7, 9 , 10, 11, 12, 13 എന്നീ എട്ടു വാർഡുകളിലാണ് സി പി ഐ മത്സരിക്കുന്നത്

ബ്ലോക്ക്- ജില്ലാ- പഞ്ചായത്ത് ഡിവിഷനുകളിലെ എൽഡിഎഫ് സ്ഥാനാർത്ഥികൾക്കു വേണ്ടി തുറയൂരിലെ സിപിഐ ഘടകം പ്രവർത്തിക്കും. സി പി ഐ ലോക്കൽ സെക്രട്ടറി രാജേന്ദ്രൻ തുറയൂർ ഒമ്പതാം വാർഡിലാണ് മത്സരിക്കുന്നത്. സിപിഐഎം മത്സരിക്കുന്ന ആറു വാർഡുകളിലും ആർജെ ഡി മത്സരിക്കുന്ന രണ്ടു വാർഡുകളിലും സിപിഐ സ്ഥാനാർത്ഥികൾ ഉണ്ട്.

തുറയൂർ പഞ്ചായത്തിലെ രണ്ടാം വാർഡിൽ ആർജെഡിയും മുസ്ലിം ലീഗും തമ്മിലാണ് മത്സരം. നേരിട്ടുള്ള മത്സരമാണ് ; മറ്റു സ്ഥാനാർത്ഥികൾ ഇല്ല. പതിനാലാം വാർഡിൽ മുസ്ലിം ലീഗും സിപിഐഎമ്മും തമ്മിൽ നേരിട്ട് മത്സരിക്കുന്നു. ഇവിടെയും രണ്ടു സ്ഥാനാർത്ഥികളെ ഉള്ളൂ. ഒമ്പതാം വാർഡിൽ സിപിഐ തുറയൂർ ലോക്കൽ കമ്മിറ്റി സെക്രട്ടറി കെ രാജേന്ദ്രനെതിരെ സിപിഐഎമ്മിലെ സജീഷ് വയലിൽ മത്സരിക്കുന്നു. കോൺഗ്രസിൻറെ വട്ടക്കണ്ടി രാമകൃഷ്ണൻ, ബിജെപിയുടെ കരിയാട്ടിൽ ശശി എന്നിവരും മത്സര രംഗത്ത് ഉണ്ട്.മറ്റു വാർഡുകളിലെ സിപിഐ സ്ഥാനാർത്ഥികൾ :

വാർഡ് 3: വിസ്മയ .എസ്. വിനയ

വാർഡ് 6 : ചന്ദ്രിക തെങ്ങുള്ള പറമ്പിൽ

വാർഡ് 7: മീനാക്ഷി ചെറിയ പറമ്പിൽ

വാർഡ് 10: വനജ സത്യ കുനിത്താഴ

വാർഡ് 11: അനീഷ് കണ്ണമ്പത്ത്

വാർഡ് 12:സുരേഷ് ബാബു

വാർഡ് 13: അശോകൻ പിലാക്കാട്ട്